+  -  Çap 

Avtomobil qəzasında xəsarət alan AXCP sədrinin müavini Razi Nurullayev müalicəsini evdə davam etdirir.
Razi Nurullayev yanvarın 5-i Bakıda yol qəzasına uğrayıb. Onun maşını yük maşını ilə toqquşub. AXCP sədrinin müavini və həyat yoldaşı Könül Nağıyeva bir müddət Kliniki Tibbi Mərkəzdə müalicə alıblar .

Fevralın 5-də “Media forum” saytına danışan Razi Nurullayev deyib ki, müstəntiqlər evdə onlardan ifadə alıb: “Təhqiqat apardıqlarını və müəyyən versiyaların yoxlandığını dedilər. Onlar hesab edirlər ki, bu, təsadüfi yol-nəqliyyat hadisəsidir. Bununla belə, mənim müəyyən iddialarım ola bilər. Qarşı tərəfin nə maşınına, nə səhhətinə zərər dəyməyib. Ancaq xəstəxanada mənə baş çəkmədilər. Bu, humanizm cəhətdən qeyri-etik davranış oldu”.

Razi Nurullayev xəsarət alan həyat yoldaşının özünü yaxşı hiss etdiyini deyib: “Evdə müalicə olunuruq və həftədə bir dəfə həkimlə məsləhətləşmələr aparırıq. Həkimlərin dediyinə görə, tam özümüzə gəlməyimiz üç-dörd ay çəkəcək”.