+  -  Çap 

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası “Azərbaycan QHT-ləri” məlumat kitabını nəşr etmək üçün hazırlıq işlərini yekunlaşdırmaq üzrədir. Bu kitab dövlət və hökumət orqanlarının, mətbuatın, beynəlxalq təşkilatların Azərbaycan QHT-ləri ilə əməkdaşlıq imkanlarını genişləndirmək, QHT-lər arasında əlaqələndirmə və şəbəkələşmə proseslərinə yardım etmək üçün əhəmiyyətli bir vəsait kimi nəzərdə tutulur. Xəbər verildiyi kimi, bu işə Şura bir neçə ay əvvəl başlamış və mümkün olan bütün mənbələrdən QHT-lər haqqında məlumat toplamışdır. Artıq 1000-ə yaxın təşkilat haqqında informasiya yığılaraq elektron bazaya daxil edilmiş və nəşr üçün hazırlanmışdır. Ədliyyə Nazirliyində qeydiyyatdan keçmiş və siyahı üzrə Şuraya təqdim edilmiş 2427 QHT-ni ilkin olaraq aşağıdakı kimi təsnifatlandırmaq mümkün olmuşdur: 2058 – müstəqil qeyri-hökumət təşkilatı; 179 – idman təşkilatları; 150 - başqa QHT-lərin filial və şöbələri; 40 – hüquq məsləhətxanası; QHT-lərin böyük bir qismi ilə əlaqə yaratmaq hələlik mümkün olmamışdır. Bu siyahıda adı olan təşkilatların nümayəndələrindən xahiş edirik ki, onlar təşkilatları haqqında məlumatların “Azərbaycan QHT-ləri” kitabına daxil edilməsi üçün Şuraya müraciət etsinlər. Sorğu anketi və əlaqə yaradılması mümkün olmayan təşkilatların siyahısı ilə Şuranın www.qhtxeber.az saytında tanış olmaq mümkündür. Əlaqə telefonu: 012/ 596-53-06; E-mail: cbabayeva @cssn.gov.az QHTXEBER.AZ