+  -  Çap 

ABŞ Milli Demokratiya İnstitutu 2010-cu il Parlament seçkiləri üçün Kiçik Qrantlar Proqramını açıq elan edir. Proqram seçki prosesi/siyasi vəziyyətin monitorinqi, vətəndaşların maarifləndirilməsi və seçki prosesində seçici iştirakının artırılması ilə məşğul olacaq vətəndaş cəmiyyəti layihələrinə kiçik qrantların ayrılmasını nəzərdə tutur.  2010-cu il Noyabr Parlament seçkilərinin yaxınlaşdığı ərəfədə MDİ siyasi vəziyyət və seçki prosesinin monitorinqi, vətəndaşların maarifləndirilməsi və “Səs Ver” kampaniyası ilə bağlı layihələrə kiçik qrantlar ayıracaq.

Seçici siyahısının yoxlanılması, yerli və ölkə səviyyəsində medianın monitorinqi, Parlament seçkiləri ərəfəsində insan hüquqları pozuntularının monitorinqi, rayonlarda seçici maarifləndirilməsinin aparılması, qadın və gənclərin seçici qismində seçkilərdə iştiraka həvəsləndirilməsi və “Qapı-Qapı” kampaniyası mövzuları üzrə təqdim olunacaq layihələr dəstəklənəcək. 

İştirak edtmək istəyən təşkilatlar 25 iyun 2010-cu il saat 18.00-dan gec olmayaraq MDİ-nin Kiçik Qrantlar Proqramına müraciət edə bilərlər. Müraciət edən şəxslər layihələri email vasitəsilə aşağıdakı email ünvanlarına göndərməlidir: msafarova@ndi.az; mgurbanzadeh@ndi.az; rasadov@ndi.az. Layihəni təqdim etdikdən sonra sizə təsdiq məktubu göndəriləcək. Layihələr İngilis və Azərbaycan dillərində təqdim edilməlidir. Təşkilatlar proqram layihəsi, büdcə və büdcə qeydlərini təqdim etməlidir. 
 
Layihələri nəzərdən keçirib qiymətləndirmək üçün Milli Demokratiya İnstitutu müxtəlif beynəlxalq təşkilatların nümayəndələrindən ibarət Qiymətləndirmə Şurası yaradıb. Şura mütəmadi görüşlər təşkil edərək layihələri qiymətləndirəcək. Layihələrin təqdim edilməsi prosesi bitdikdən sonra Şura layihələrə baxıb qərarını verəcək. Layihələrə baxış dövründə bəzi müraciət edən şəxslər müsahibəyə dəvət oluna bilərlər.

Kiçik qrant layihələri, lazımi ehtiyacların nəzərə alınması, layihəyə icma üzvlərinin cəlb edilməsi, insan və maddi resursların real istifadəsinin nümayiş etdirilməsi, təşkilatın missiya və baxışlarına uyğun olması, layihənin həyata keçirilməsi və idarə olunmasına dair dəyişilməz plan əasında qiymətləndiriləcək. Layihələr spesifik, real və zamana uyğun olmalıdır. 

Müraciət edənlər Bakıda və rayonlarda yerləşən qeydiyyatlı və qeydiyyatsız QHT-lərin layihələri maliyyələşdiriləcək. İştirakçılar layihəyə uyğun müfəssəl büdcə təqdim etməlidirlər. 
Layihələri 1 iyul – 30 sentyabr 2010-cu il tarixlərdə həyata keçiriləcək. Proqram və maliyyə hesabatları isə 7 oktyabr 2010-cu il tarixinə qədər təqdim edilməlidir. MDİ yalnız birbaşa proqram xərclərini qarşılayacaq.
Resurs.az

Hazırladı: İlkin Muradov