+  -  Çap 

Almaniya Texniki Əməkdaşlıq Cəmiyyəti (GTZ) “Azərbaycanda gender problemləri” mövzusunda məqalə müsabiqəsi elan edir.Müsabiqəyə Azərbaycanda gender problemlərinə (gender bərabərliyi, gender rollarının paylanması,
gender stereotipləri, gender etikası, qadın və ailə, qadın və cəmiyyət və s.), gender problemi ilə bağlı Azərbaycan qanunvericiliyi və onun tətbiqi praktikasına (o cümlədən məhkəmə təcrübəsinə), onları doğuran səbəblərə və bu problemlərin həlli yollarına dair araşdırma məqalələri qəbul edilir.

“Media forum” saytı xəbər verir ki, mövzunun olmuş hadisə əsasında açıqlanması, konkret nümunədən çıxış etməklə ictimai maraq kəsb edən problemlərin işıqlandırılması, həmin problemlərin obyektiv və subyektiv səbəblərinin araşdırılması, yazının cəmiyyətdə insan hüquqlarının və qanunun aliliyinin təbliği baxımından əhəmiyyəti, yazının peşəkarlıq səviyyəsi qiymətləndirmə meyarlarına daxildir.

Qaliblər diplomlar və pul mükafatları ilə (birinci yer – 500 manat, ikinci yer – 400 manat, üçüncü yer – 300 manat) təltif olunacaqlar.

Jurnalistlər müsabiqəyə 2010-cu il iyunun 1-dən iyulun 15-dək dövri mətbuatda dərc edilən və ya tanınan internet resurslarında yerləşdirilən məqalələri ilə qatıla bilərlər. Bir müəllif ikidən artıq məqalə təqdim edə bilməz.