Sual: Aytac adlı oxucumuz bizə “Salam! Mən yeni QHT-i təsis etmək istəyirəm. Amma təşkilatın hüquqi ünvanı yoxdur. Məcburi köçkünəm. Təşkilatın hüquqi ünvanı kimi müvəqqəti qeydiyyata alındığım yeri təqdim edə bilərəmmi?” sualı ilə müraciət edib. 

Cavab: Aytac adlı oxucumuzun sualını QHT-lərə Dövlət Dəstəyi Şurasının hüquqşünası Vüsal Quliyev cavab verir:


Siz daimi və ya müvəqqəti olaraq qeydiyyatda olduğunuz ünvanı yaratmış olduğunuz yeni QHT-nin hüquqi ünvanı kimi təqdim edə bilmərsiniz. Çünki Siz, həmin ünvanın sahibi olaraq, sadəcə orada qeydiyyatdasınız. 
Bunun üçün Sizə tövsiyyə edərdik ki, qeydiyyatda olduğunuz ünvanın sahibi adından notariat qaydada verilmiş razılıq ərizəsini Ədliyyə Nazirliyinə hüquqi ünvan haqqında sənəd kimi təqdim edəsiniz. Bunun üçün həmin şəxs yaşayış sahəsinin sənədini özü ilə götürməli və istənilən notariat kontoruna müraciət etməlidir. Orada Ədliyyə Nazirliyinin ünvanına yazılmış və Sizin yaratdığınız QHT-nin onun sahibi olduğu evin ünvanından hüquqi ünvan kimi istifadə etməsinə razılığını ifadə edən ərizəsini təsdiq etməlidir. 

+  -  Çap