həyata keçirilən «Unudulan və unudulmaqda olan milli adət-ənənələrimizin dirçəldilməsinə dəstək» layihəsi çərçivəsində jurnalistlər üçün treninq keçirilib. Treninqin keçirilməsində məqsəd isə bu sahədə yazan jurnalislərin peşəkarlığının daha da artırılmasıdır. 

Tədbiri giriş sözü ilə açan ADİİM sədri Cavid Şahverdiyev layihənin birinci mərhələsi barədə görülən işlər barədə məlumat verib. O, bildirib ki, birinci mərhələdə layihə çərçivəsində Bakıda, Siyəzəndə və Qusarda dəyirmi masalar təşkil olunub. Bu tədbirlər ictimaiyyət tərəfindən böyük maraqla qarşılanıb. Bundan əlavə, milli adət-ənənələrimizin simvolları sayılan milli bayramlarımız barədə xüsusi bukletlər hazırlanıb. Bu bukletlər keçirilən təbirlər çərçivəsində ictimaiyyət nümayəndələrinə paylanılıb.

Layihənin ikinci mərhələsində isə Milli adət-ənənələrimizlə bağlı dəyirmi masa təşkil olunub. Tədbirdə ”Milli bayramlarımız” adlı kitabın nəşr olunması da qərara alınıb.

Daha sonra çıxış edən layihənin eksperti, Milli Elmlər Akademiyasının baş elmi işçisi Qüdrət Cəfərov milli adət-ənənələrimiz barədə məlumat verərək bildirib ki, Azərbaycan xalqı qədim tarixə malik xalq olduğu üçün zəngin milli adət-ənənələri özündə yaşadır. Ölkənin çoxmillətli olması bu sərvəti bir qədər də zənginləşdirir. Lakin bu gün onların tədqiqinə, yaşadılmasına böyük ehtiyac duyulur. Bu sahədə maarifləndirmə işlərinin aparılmaında mətbuatın da üzərinə böyük iş düşür.

Treninqdə layihənin təlimçisi Naibə Qurbanova da jurnaitlərə sözügedən sahədə bir sıra məsəhətlərini verib. Tədbir daha sonra jurnalstləri maraqlandıran sualların cavablandırılması ilə davam etdirilib. 

Hazırladı: Səbinə Cahandarova