+  -  Çap 

Bu ilki qəbul imtahanlarında rekord nəticə göstərən abituriyentlərin adları açıqlanıb. 2010/2011-ci tədris ilində Azərbaycan Respublikasının ali təhsil müəssisələrinə keçirilmiş qəbul imtahanlarında 7 nəfər maksimal nəticə - 700 bal toplayıb.
Tələbə Qəbulu üzrə Dövlət Komissiyası rekord nəticə göstərən bakalavrların adlarını açıqlayıb. Qurumun rəsmi saytında yer alan məlumata görə, bunlardan iki nəfər I, iki nəfər II, üç nəfər isə IV qrup üzrə imtahan verənlərdir.

700 bal toplayan abituriyentlər:

I ixtisas qrupu
Nəriman İsmixan oğlu Məmmədli – Bakı Türk Liseyinin məzunu;
Günel Eldar qızı Abdullayeva – Şəki şəhəri Kiçik Dəhnə kənd 2 saylı orta məktəbin məzunu.

II ixtisas qrupu
İsmayıl Əkbər oğlu Kazımov – Mingəçevir şəhəri, N.Gəncəvi adına 8 saylı şəhər orta məktəbinin məzunu;
İlkin Natiq oğlu Məsimov - Bakı şəhəri, Fizika, riyaziyyat və informatika təmayüllü liseyin məzunu.

IV ixtisas qrupu
Aydan Aydın qızı Həsənova - Bakı Türk Liseyinin məzunu;
Esmira Qəhrəman qızı Baxşəliyeva – Bakı şəhəri, Sabunçu rayonu, 72 saylı məktəb-liseyin məzunu;
Aygül Oktay qızı Tanrıverdiyeva – Bakı şəhəri, Binəqədi rayonu, 115 saylı orta məktəbin məzunu.

Qeyd edək ki, bu il III qrup üzrə ən yüksək nəticə göstərən olmayıb.

Hazırladı: İlkin Muradov