+  -  Çap 

Qarabağ Azadlıq Təşkilatının (QAT) və İnsan Hüquqları və Azadlıqları Cəmiyyətinin üzvləri Biləsuvar rayonunda Milli Qəhrəman Mübariz İbrahimovun evində olublar. QAT-ın mətbuat xidmətindən APA-ya verdiyi məlumata görə, təşkilat üzvləri Milli Qəhrəmanın ailə üzvləri ilə görüşüblər. Görüşdə Milli Qəhrəmanın xatirəsi anılıb və onun həyatı haqda danışılıb.
QAT sədri Akif Nağı deyib ki, qəhrəmanın atası Ağakərim İbrahimovun nümayiş etdirdiyi mövqe təqdirəlayiqdir və cəmiyyət üçün nümunədir. A. Nağı bildirib ki, cəbhə xəttində baş verən son hadisələr və M. İbrahimovun qəhrəmanlığı işğal altında olan ərazilərin azad edilməsi üçün hərbi əməliyyatlara başlamağa hər mənada əsas verir.