hələlik domeyn alınmasa da,  çox güman, sayt karabakhekoloji adlanacaq. A.Xəlilovun sözlərinə  görə, bu işdə onlara Qarabağın Regional Ekologiya İdarəsinin, Zəngilan Bəsitçay Qoruğunun əməkdaşları, Ekologiya və Təbii Sərvətlər Nazirliyi, Milli Kitabxana, Azərbaycan Milli Elmlər Akademiyasının nümayəndələri və bu işlə məşğul olan ekspertlər lazımı kömək edirlər: “Hazırda materialları yığır, əhalidən o zaman çəkdirdikləri fotoşəkilləri toplayırıq.  Bununla bağlı elan vermiş, müəyyən qədər şəkil də əldə etmişik”.

Təşkilat sədrinin  sözlərinə əsasən, saytda Laçın, Kəlbəcər rayonları, Daşaltı, Şuşa, Turşsu Yataqlıqları, Qaragöl və Bəsitçay Dövlət Qoruqları, Qırmızı kitaba düşmuş heyvanat aləmi, bir sözlə Qarabağın flora və faunası, təbii suları, atmosferi, iqlimi, relyefi haqqında məlumatlar ətraflı yer alacaq. O bildirib ki, bu istiqamətdə işlərin demək olar ki, 70 faizi hazırdır.