+  -  Çap 

qhtxeber.az// Azərbaycan Tələbələr Birliyinin dəvətilə Avropa Tələbələr Birliyinin nümayəndələrinin ölkəmizə səfəri davam etməkdədir. Səfər proqramına uyğun olaraq bu gün qonaqlarla Açıq Cəmiyyət İnstitutu Yardım Fondunda görüş təşkil edilib. Azərbaycan Tələbələr Birliyinin nümayəndəsi Fəxrəddin Həsənzadənin qhtxeber.az-a verdiyi xəbərə görə, görüşdə Açıq Cəmiyyət İnstitutu Yardım Fondunun icraçı direktoru Fərda Əsədov və gənclər proqramının əlaqələndiricisi Şəms Əsgərova iştirak edib. Görüş zamanı Azərbaycanda vətəndaş cəmiyyəti, gənclər hərəkatı, Fondun gənclər və tələbələr sahəsindəki siyasəti müzakirə olunub. Həmçinin, Fondun gələcəkdə tələbə hərəkatına verə biləcəyi töhfə də əsas müzakirə obyektinə çevrilib.
F.Həsənzadə onu da bildirib ki, görüşdə Fondun Azərbaycan Tələbələr Birliyi ilə əməkdaşlıq perspektivlərinə də toxunulub.
Qeyd edək ki, bu gün qonaqların Azərbaycan Müəllimlər İnstitutunun rəhbərliyi və tələbələri, Xəzər Universitetinin rəhbərliyi və digər rəsmi şəxslərlə görüşləri nəzərdə tutulub.