+  -  Çap 

Azərbaycan Tələbə Gənclər Təşkilatları İttifaqı (ATGTİ) “Facebook” sosial şəbəkəsində gənclər arasında “Tələbələrin təqaüdlərinin artırılmasına münasibətiniz necədir?” mövzusunda sosial sorğu keçirmişdir. ATGTİ mətbuat xidmətindən bildirmişlər ki, 1245 tələbə arasında keçirilən sorğunun nəticələrinə əsasən, respondentlərin böyük əksəriyyəti Azərbaycan Respublikası Prezidentinin “Doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələrinə və şagirdlərinə verilən təqaüdlərin artırılması haqqında” 2010-cu il 6 sentyabr tarixli Sərəncamını müsbət qarşılamışlar. Sorğu iştirakçıları vurğulamışlar ki, bu cür qərarlar tələbələrin daha yaxşı oxumaları üçün stimuldur. Yazılmış şərhlərdə tələbələr bildirmişlər ki, bu Sərəncamdan sonra respublikamızda əlaçı tələbələrin sayı mütləq artacaqdır. Hətta təqaüd almayan tələbələr belə öz yoldaşlarının yerinə sevindiklərini vurğulamışlar.